COVID-19 Fund မှ ဒုတိယအကြိမ်ချေးငွေကို ဩဂုတ် (၁၀) ရက် နောက်ဆုံးထား လျှောက်ထားနိုင်




By- Jae

COVID-19 ကြောင့် ထိခိုက်မှုရှိနေသော စီးပွားရေးလုပ်ငန်းများအတွက် COVID-19 Fund မှ ဒုတိယအကြိမ်‌ ချေးငွေများ စတင် ထုတ်ချေးပေးနေပြီး   ဩဂုတ်လ ၁၀ ရက်နေ့အထိ လျှောက်ထားနိုင်ကြောင်း UMFCCI မှ ဇူလိုင် (၂၉) ရက်နေ့တွင် ထုတ်ပြန် ကြေညာခဲ့သည်။ 

Covid - 19 ချေးငွေ လျှောက်ထားနိုင်သော အဓိကဦးစားပေးလုပ်ငန်းများမှာ... 

  • စိုက်ပျိုးရေး၊ မွေးမြူရေးနှင့် ရေထွက်ပစ္စည်း ထုတ်လုပ်သည့်လုပ်ငန်းများ၊ 
  • ပြည်ပပို့ကုန် ထုတ်လုပ်သည့် ကုန်ထုတ်လုပ်ငန်းများ၊ 
  • သွင်းကုန်အစားထိုးပစ္စည်း ထုတ်လုပ်သည့် ကုန်ထုတ်လုပ်ငန်းများ၊ ပြည်တွင်းထုတ်လုပ်မှုမှ ပြည်ပတင်ပို့သည်အထိ ထုတ်လုပ်မှုကွင်းဆက် (Supply Chain) တစ်လျှောက် ပါဝင်ဆောင်ရွက်သည့် လုပ်ငန်းများ၊ 
  • စားသောက်ကုန် ထုတ်လုပ်သည့် ကုန်ထုတ်လုပ်ငန်းများ၊ 
  • ပြည်ပအလုပ်အကိုင် ဝန်ဆောင်မှုလုပ်ငန်းများနှင့် 
  • အသက်မွေးဝမ်းကျောင်း ပညာသင်ကျောင်းများ တို့ဖြစ်ကြသည်။

ချေးငွေလျှောက်ထားသူများအနေဖြင့်  လျှောက်ထားရာတွင်...
အထက်ပါ ဦးစားပေးလုပ်ငန်းတွင် အကျုံးဝင်သော လုပ်ငန်းများသာ လျှောက်ထားနိုင်သည်။ 

ချေးငွေချေးရာတွင်   စာရွက်စာတမ်းပြည့်စုံမှု ၊ ချေးငွေပြန်ဆပ်နိုင်မှု တို့အပေါ်မူတည်၍ ခွင့်ပြုပေးခြင်းဖြစ်၍    လိုအပ်သည့် စာရွက်စာတမ်းများ ပြည့်စုံအောင် ဆောင်ရွက်ပြီးမှသာ လျှောက်ထားသင့်သည်။

ထို့အပြင် ပထမအကြိမ်  COVID 19 ချေးငွေ ရရှိထားပြီးသူများအနေဖြင့် ထပ်မံလျှောက်ထားခွင့် မရှိကြောင်းလည်း ကုန်သည်စက်မှုအသင်းချုပ်မှ ကြေညာထားသည်။

ပူးတွဲတင်ပြရန် လိုအပ်သော စာရွက်စာတမ်းများ၊ လျှောက်လွှာပုံစံများအား https://bit.ly/3f9vL4 တွင် Download ရယူနိုင်ပြီး Online မှ ချေးငွေလျှောက်ထားလိုသူများအနေဖြင့် အောက်ပါလင်ခ့်တွင် ၀င်ရောက်လျှောက်ထားနိုင်ပါသည်။

UMFCCI Website Link - https://umfccicovid19loan.dedc.gov.mm/    

လူကိုယ်တိုင် သွားရောက် လျှောက်ထားလိုသူများအနေဖြင့် အမှတ် (၂၉)၊ မင်းရဲကျော်စွာလမ်း၊ လမ်းမတော်မြို့နယ်၊ ရန်ကုန်မြို့၊ ကုန်သည်စက်မှုအသင်းချုပ်ရုံး (UMFCCI)  သို့ စာရွက်စာတမ်း အပြည့်အစုံဖြင့် လျှောက်ထားနိုင်မည် ဖြစ်သည်။

 

 

Business Yangon Trend Read 354 times